आज मंगलबार (साउन १ गते) पनि सुनको भाउले नयाँ उचाई कायम गरेको छ । हिजो सोमबार तोलाको १ लाख ४६ हजार ९ सय रुपैयाँ पुगेर हालसम्मकै उच्च मूल्यमा कारोबार भएको छापावाल सुन आज तोलामा ९ सय रुपैयाँले बढेर प्रतितोला १ लाख ४७ हजार ८ सय रुपैयाँ पुगेर रेकर्ड ब्रेक गरेको छ ।
आज प्रति १० ग्राम छापावाल सुनको भाउ १ लाख २६ हजार ७१५ रुपैयाँ तोकिएको छ ।
आज तेजावी सुनको भाउ तोलाको १ लाख ४७ हजार १ सय पुगेको छ । नेपाल रत्न तथा आभूषण महासंघका अनुसार आज कायम भएको सुनको भाउ हालसम्मकै उच्च हो ।
आज चाँदीको भाउ भने तोलामा १० रुपैयाँले घटेर १ हजार ८७५ सय रुपैयाँमा झरेको छ । आज १० ग्राम चाँदीको भाउ १ हजार ६०७ रुपैयाँ ५० पैसा तोकिएको छ ।
