नेपाली कांग्रेसले नेकपा एमालेको नेतृत्व सरकार बनाउने र पहिलो चरणमा केपी शर्मा ओली प्रधानमन्त्री बन्ने गरि भएको समझदारीलाई अनुमोदन गरेको छ । कांग्रेस केन्द्रीय कार्य सम्पादन समितिको बैठकले एमालेसँग मिलेर नयाँ सरकार बनाउने गरि भएको समझदारीलाई अनुमोदन गरेको हो
पार्टी सभापति शेरबहादुर देउवाको निवास बुढानीलकण्ठमा बसेको कार्यसम्पादन समितिको बैठकपछि कांग्रेस प्रवक्ता डा. प्रकाशशरण महतले पहिलो चरणमा सरकारको नेतृत्व नेकपा एमालेका अध्यक्ष केपी शर्मा ओलीले गर्ने जानकारी दिएका हुन् । त्यसपछि दोस्रो चरणमा निर्वाचन सम्पन्न नभएसम्म कांग्रेस सभापति शेरबहादुर देउवाले सरकारको नेतृत्व गर्ने गरि समझदारी भएको महतको भनाइ छ ।
कांग्रेसले प्रधानमन्त्री पुष्पकमल दाहाल प्रचण्डलाई राजीनामा दिएर मार्गप्रशस्त गर्न पनि भनेको छ ।
