भोटेकोशीमा आएको बाढीका कारण ११ वटा हाइड्रो पावरमा क्षति पुगेको छ। विद्युत प्राधिकरणका अनुसार बाढीको कारण ११ वटा हाइड्रोको ४०५ मेगावाट र विभिन्न सोलार आयोजनाको २५ मेगावाट गरी कुल ४३० मेगावाट बिजुली प्रणाली बाहिर गएको छ।
बाढीले १११ मेगावाटको रसुवागढी, ७८ मेगावाटको सालासुंगी (सान्जेन), १४.८ मेगावाटको अपर सान्जेन, ४२.५ मेगावाटको सान्जेन, २२ मेगावाटको चिलिमे, २० मेगावाटको लांगटांग, ६० मेगावाटको अपर त्रिशुली थ्री ए मा क्षति पुगेको छ । त्यस्तै १४.८ मेगावाटको अपर मैलुंग, ५ मेगावाटको मैलुंग, २४ मेगावटको त्रिशुली र १४ मेगावाटको देवीघाट आयोजनामा क्षति पुगेको छ।
त्यस्तै प्राधिकरणको कुल २५ मेगावाट क्षमताका सोलार आयोजनामा पनि क्षति पुगेको छ।
यी बाहेक निर्माण चरणमा रहेका माथिल्लो त्रिशुली १, १२० मेगावाटको रसुवा-भोटेकोशी लगायतका आयोजना पनि बाढीले क्षति पुर्याएको छ।
