मुक्तिनाथ कृषि कम्पनीको ६० लाख कित्ता बढी शेयरको लकइन अवधि मङ्सिरमा सकिँदै

मुक्तिनाथ कृषि कम्पनी लिमिटेडको ६० लाख कित्ता बढी शेयरको लकइन अवधि २०८३ मङ्सिर १८ गते समाप्त हुने भएको छ ।

कम्पनीमा संस्थापकले धारण गरेका ६० लाख ४८ हजार कित्ता, र कम्पनीका कर्मचारीसँग रहेको ४५ हजार ३ सय ६० कित्ता गरि कुल ६० लाख ९३ हजार ३ सय ६० कित्ता शेयरको लकइन अवधि आगामी मङ्सिर १८ गते समाप्त हुन लागेको हो ।

सार्वजनिक निष्काशन गरि शेयर बाँडफांड गरेको ३ वर्षसम्म कम्पनीको संस्थापक,  र कम्पनीका कर्मचारीले शेयर बिक्री गर्न नपाइने गरि लकइनमा राख्नु पर्ने व्यवस्था छ । लकइन अवधि खुलेपछि भने संस्थापक, र कर्मचारीले ति शेयर बिक्री गर्न सक्ने छन् ।

कम्पनीका संचालक  र उच्च व्यवस्थापनमा रहेकाले भने शेयर बिक्री गर्न पाउने छैनन् ।