जाइडिन बायोटेक लिमिटेडले नेपालमै पहिलोपटक औषधिको कच्चापदार्थ उत्पादनको प्रमाणपत्र प्राप्त गरेको छ । कम्पनीले क्यान्सरको औषधिसहित अन्य सबै खालका औषधिको कच्चापदार्थ उत्पादनका लागि असल उत्पादन अभ्याससम्बन्धी जिएमपी प्रमाणपत्र प्राप्त गरेको हो ।
चिवतनको भरतपुर महानगरपालिका–१६ मा रहेको कम्पनीले नेपाल औषधि व्यवस्था विभागबाट ९ अक्टुबर २०२६ मा प्रमाणपत्र प्राप्त गरेको हो । यस्तो प्रमाणपत्रको बहाल अवधि ८ अक्टुबर २०२८ सम्म रहने विभागले जनाएको छ। यसअघि विभागले अगस्ट २५ र २६ मा स्थलगत निरीक्षण गरेको थियो ।
कम्पनीका संस्थापक अध्यक्ष जीनारायण बहादुर क्षेत्रीका अनुसार वार्षिक २ टन कच्चापदार्थ उत्पादन गर्न सक्ने क्षमता रहेको कम्पनीले ‘ट्रायल प्रोडक्शन’ सुरु गरिसकेको छ । अब कम्पनीले औषधि उद्योगहरुका लागि आवश्यक कच्चापदार्थ उत्पादन गरेर स्वदेशी उद्योगलाई दिनुका साथै भारत, बंगलादेश र पाकिस्तानमा निर्यातसमेत गर्ने लक्ष्य लिएको छ । यसको तयारीसमेत अघि बढाइसकिएको अध्यक्ष क्षेत्रीले बताएका छन्।
