आज साउन २३ गते बुधबार दुई वटा कम्पनीको लाभांश सुरक्षित गर्ने अन्तिम दिन रहेको छ । साधारणसभा प्रयोजनको लागि साउन २४ गते बुक क्लोज गर्ने निर्णय गरेका नेशनल लाइफ इन्स्योरेन्स र सुर्योदय वोमी लघुवित्तको लाभांश सुरक्षित गर्ने आज साउन २३ गते अन्तिम दिन हो ।
नेशनल लाइफले भदौ ७ गते साधारणसभा आह्वान गरेको छ । कम्पनीले आर्थिक वर्ष २०७९/८० को मुनाफाबाट ४ प्रतिशत बोनस शेयर र १० प्रतिशत नगद लाभांश वितरण गर्ने प्रस्ताव गरेको छ ।
त्यस्तै सुर्योदय वोमी लघुवित्तले साउन ३२ गते साधारणसभा आह्वान गरेको छ । कम्पनीले आर्थिक वर्ष २०७९/८० को मुनाफाबाट १४.००५१४३ प्रतिशत बोनस शेयर वितरण गर्ने प्रस्ताव गरेको छ ।
कम्पनीको साधारणसभाले पारित गरेपछि उक्त लाभांश समबन्धित कम्पनीका लगानीकर्तामा वितरण हुने छ ।
