आज बिहीबार पनि शेयरमा दोहोरो अंकको गिरावट देखिएको छ। आज नेप्से सूचक १८.४० अंकले घटेर २४८७.१७ को बिन्दुमा पुगेर रोकिएको छ। आज लगातार तेस्रो दिन नेप्से सूचक दोहोरो अंकले घटेको हो। आजको गिरावटपछि नेप्से सूचक २५ सय बिन्दुबाट तल झरेको छ।
आज कारोबारमा आएका ३११ कम्पनीका ७६ लकः ४३ हजार ६ सय ३५ कित्ता शेयर खरिद बिक्रीबाट ३ अर्ब २७ करोड ५४ हजार ८ सय ६४ रुपैयाँ १६ पैसाको कारोबार भएको छ। जस मध्ये मुक्तिनाथ विकास बैंकको सर्वाधिक १५ करोड ३० लाखको कारोबार भएको छ भने नेपाल पुनर्बीमा कम्पनीको १३ करोड ४ लाखको कारोबार भएको छ।
आज कारोबारमा आएका मध्ये हिमालयन पावर पार्टनरको शेयर मूल्य सर्वाधिक ९.९३ प्रतिशत बढेको छ भने कालिका लघुवित्तको शेयर मूल्य ५.६९ प्रतिशत बढेको छ। आज समाज लघुवित्तको शेयर मूल्य सर्वाधिक १० प्रतिशत घटेको छ भने युनिक नेपाल लघुवित्तको शेयर मूल्य ७.३३ प्रतिसहत घटेको छ।
आज कारोबारमा आएका मध्ये बैंकिंग र म्युचुअल फण्ड बाहेक अरु सबै समूहगत सूचक घटेका छन् । जस मध्ये अन्य समूह २.२१ तथा फाइनान्स समूह १.२८ प्रतिशतले घटेको छ। आज म्युचुअल फण्ड समूह सर्वाधिक ०.२१ प्रतिशतले बढेको छ।
