दशैँ बिदा पछि भएको पहिलो दिनको कारोबारमै सेयर बजारमा भारी गिरावट आएको छ । मंगलबार बजार ५८.५५ अंकले घटेर २६०४.९६ बिन्दुमा आइपुगेको हो ।
आज ४ अर्ब ६२ करोड ९० लाख ४२ हजार बराबरको सेयर कारोबार भएको छ । आज ३२६ कम्पनीको १ करोड ३ लाख ४५ हजार ९०३ कित्ता सेयर कारोबार हुँदा २३५ कम्पनीको सेयर मूल्य घटेको छ । १६ कम्पनीको सेयर मूल्य भने बढेको छ ।
आज कारोबारमा आएका कम्पनीमध्ये युनियन हाइड्रोपावर, नेपाल रि–इन्स्योरेन्स, हिमालयन रि–इन्स्योरेन्स, शिवम् सिमेन्ट र सिनर्जी पावर डेभलपमेन्ट लिमिटेडको बढी कारोबार भएको छ ।
