यति ब्रुअरी लिमिटेड र नेपाल चिया विकास निगम लिमिटेडले पनि बुक विल्डिङ विधिबाट आईपीओ निष्काशन गर्ने भएका छन्। दुवै कम्पनीले नेपाल स्टक एक्सचेञ्ज लिमिटेड (नेप्से) सँग सम्झौता गरेका हुन्।
यति ब्रुअरीले २०८१ कार्तिक ५ नेप्सेसँग सम्झौता गरेको हो। कम्पनीले योग्य संस्थागत लगानीकर्ताको लागि ६ लाख ६० हजार ८ सय कित्ता शेयर निष्काशन गर्ने प्रस्ताव गरेको छ। कम्पनीले ५० रुपैयाँ अंकित मूल्यमा शेयर निष्काशन गर्ने प्रस्ताव गरेको छ। यो अंकित मूल्य भने संशोधन भएर १०० रुपैयाँ नै कायम हुने सम्भावना छ।
त्यस्तै नेपाल चिया विकास निगमले २०८३ वैशाख ८ गते नेप्सेसँग सम्झौता गरेको छ। कम्पनीले योग्य संस्थागत लगानीकर्तालाई २ लाख ४० हजार कित्ता शेयर निष्काशन गर्ने प्रस्ताव गरेको छ।
यी कम्पनीले बुक विल्डिङ्ग निर्देशिका, २०७७ बमोजिम कम्पनीले योग्य संस्थागत लगानीकर्ताहरुको लागि छुट्याएको शेयरको शिलबन्दी बोलपत्र सम्बन्धी कार्य सञ्चालन गर्नको लागि कम्पनीले सम्झौता गरेका हुन् । यस अघि नै नर्भिक इन्टरनेशनल हस्पिटल एण्ड मेडिकल कलेज लिमिटेड, जगदम्बा स्पिनिङ्ग मिल्स लिमिटेड, टाइम फर्मास्युटिकल्स लिमिटेड, लक्ष्मी स्टील्स लिमिटेड र पूर्वाञ्चल ल्युव आयल लिमिटेडले नेप्सेसँग सम्झौता गरिसकेका छन् । यी मध्ये नर्भिक इन्टरनेशनल हस्पिटल एण्ड मेडिकल कलेज लिमिटेड, र जगदम्बा स्पिनिङ्ग मिल्स लिमिटेडले गत चित्र २२ गते सम्झौता गरेका हुन् भने टाइम फर्मास्युटिकल्स लिमिटेडले चैत्र २४ गते सम्झौता गरेको हो । लक्ष्मी स्टील्स लिमिटेड र पूर्वाञ्चल ल्युव आयल लिमिटेडले आज वैशाख ३ गते सम्झौता गरेका हुन् ।
यस अघि : बुक विल्डिङ विधिबाट आईपीओ निकाल्न ५ कम्पनीले नेप्सेसँग गरे सम्झौता, कुनको कति ?
