विभिन्न ५ वटा कम्पनीले बुक विल्डिङ विधिबाट आईपीओ निष्काशन गर्नको लागि नेपाल स्टक एक्सचेञ्ज लिमिटेड (नेप्से) सँग सम्झौता गरेका छन् । बुक विल्डिङ्ग निर्देशिका, २०७७ बमोजिम कम्पनीले योग्य संस्थागत लगानीकर्ताहरुको लागि छुट्याएको शेयरको शिलबन्दी बोलपत्र सम्बन्धी कार्य सञ्चालन गर्नको लागि कम्पनीले सम्झौता गरेका हुन् ।
यसरी सम्झौता गर्ने कम्पनीमा नर्भिक इन्टरनेशनल हस्पिटल एण्ड मेडिकल कलेज लिमिटेड, जगदम्बा स्पिनिङ्ग मिल्स लिमिटेड, टाइम फर्मास्युटिकल्स लिमिटेड, लक्ष्मी स्टील्स लिमिटेड र पूर्वाञ्चल ल्युव आयल लिमिटेड रहेका छन् । यी मध्ये नर्भिक इन्टरनेशनल हस्पिटल एण्ड मेडिकल कलेज लिमिटेड, र जगदम्बा स्पिनिङ्ग मिल्स लिमिटेडले गत चित्र २२ गते सम्झौता गरेका हुन् भने टाइम फर्मास्युटिकल्स लिमिटेडले चैत्र २४ गते सम्झौता गरेको हो । लक्ष्मी स्टील्स लिमिटेड र पूर्वाञ्चल ल्युव आयल लिमिटेडले आज वैशाख ३ गते सम्झौता गरेका हुन् ।
कुन कम्पनीले संस्थागत लगानीकर्तालाई कति छुट्याएका छन् शेयर ?
नर्भिक इन्टरनेशनल हस्पिटल एण्ड मेडिकल कलेज लिमिटेड- ८ लाख १६ हजार ४ सय ८० कित्ता
जगदम्बा स्पिनिङ्ग मिल्स लिमिटेड-१८ लाख कित्ता
टाइम फर्मास्युटिकल्स लिमिटेड-४ लाख ३४ हजार ६ सय कित्ता
लक्ष्मी स्टील्स लिमिटेड-१८ लाख कित्ता
पूर्वाञ्चल ल्युव आयल लिमिटेड-६ लाख कित्ता
