खानी खोला हाइड्रोपावर कम्पनी लिमिटेडले लिलामीमा ल्याएको अवितरित हकप्रद शेयर बाँडफांड भएको छ । कार्तिक २७ गते ति शेयर बाँडफांड गरिएको बिक्री प्रबन्धक सिटिजन्स क्यापिटलले जनाएको छ।
कम्पनीले कार्तिक १२ गतेदेखि कार्तिक १९ गतेसम्म हकप्रदमा अवितरित शेयर लिलाम बिक्री खुला गरेको थियो। कम्पनीले सर्वसाधारण समूहको कुल ४ लाख ५९ हजार ३ सय ४९ कित्ता शेयर लिलाममा ल्याएको थियो।
कार्तिक २५ गते लिलामीमा परेको बोलपत्रहरु खोलिएको थियो । जसमा यी शेयरको कट अफ मूल्य २१० रुपैयाँ कायम भएको छ। २१० रुपैयाँभन्दा बढी रकम कबुल गरेर आवेदन दिनेले शेयर पाएका छन् भने २१० रुपैयाँमा आवेदन दिनेले समानुपातिक रुपमा शेयर पाएका छन्।
बाँडफांडमा नपरेको रकम आज मङ्सिर १ गतेदेखि समबन्धित शेयरधनीको बैंक खातामा आईपीएस मार्फत् पठाइने कम्पनीले जनाएको छ।
