माण्डु हाइड्रोपावर लिमिटेड भदौ १८ गते साधारणसभा बोलाएको छ । कम्पनीले एकसाथ आर्थिक वर्ष २०८१/८२ र २०८२/८३ को साधारणसभा गर्न लागेको हो ।
सभामा लाभांश सहितका विविध प्रस्ताव पेश हुने छन् । कम्पनीले दुई आर्थिक वर्षको मुनाफाबाट कुल २२.५२६३ प्रतिशत लाभांश वितरण गर्ने प्रस्ताव गरेको छ। जस मध्ये १० प्रतिशत बोनस शेयर र ०.५२६३ प्रतिशत नगद लाभांश आर्थिक वर्ष २०८१/८२ को मुनाफाबाट रहेको छ। यो यस अघि नै घोषणा भएको लाभांश हो । विद्युत नियमन आयोगका पदाधिकारी रिक्त हुँदा स्वीकृति नपाएर कम्पनीले समयमा आर्थिक वर्ष २०८१/८२ को साधारणसभा गर्न सकेको थिएन । त्यस्तै कम्पनीले आर्थिक वर्ष २०८२/८३ को मुनाफाबाट १२ प्रतिशत नगद लाभांश वितरण गर्ने प्रस्ताव गरेको छ।
कम्पनीको साधारणसभाले पारित गरेपछि उक्त लाभांश लगानीकर्तामा वितरण हुने छ। कम्पनीले साधारणसभा प्रयोजनको लागि भदौ ५ गते बुक क्लोज गर्ने निर्णय गरेको छ। भदौ ४ गतेसम्म कायम शेयरधनीले मात्र कम्पनीको सभामा भाग लिन र प्रस्तावित लाभांश पाउन सक्ने छन् ।
