गरिमा क्यापिटलको निमित्त प्रमुख कार्यकारी अधिकृतमा अशोक सुवेदी नियुक्त भएका छन्। क्यापिटलको साउन २७ गते बसेको संचालक समितिको बैठकले भदौ १ गतेदेखि लागु हुने गरि हाल सहायक प्रमुख कार्यकारी अधिकृत रहेका सुवेदीलाई निमित्त प्रमुख कार्यकारी अधिकृतको जिम्मेवारी दिने निर्णय गरेको हो।
क्यापिटलका हाल सीइओ रहेका निर्मल भट्टराईको कार्यकाल साउन मसान्तमा सकिँदै छ। दुवै पक्षको आपसी सहमतिमा उनको कार्यकाल थप नगर्ने निर्णय भएको क्यापिटलले जनाएको छ।
