२०८१ सालको असोजमा रोशी खोलामा आएको बाढीले क्षतिग्रस्त बनाएको बीपी राजमार्गको एक खण्ड पुनर्निर्माणका लागि आज शिलान्यास गरिएको छ ।
पिप्लेदेखि बर्खे खोलासम्मको ३.२ किलोमिटर सडकखण्ड जापान अन्तर्राष्ट्रिय सहयोग नियोग (जाइका)ले पुनर्निर्माण गर्न लागेको हो ।
नेपालका लागि जापानी राजदूत माएदा तोरु र पूर्वाधार विकास मन्त्रालयका सचिव गोपालप्रसाद सिग्देलले संयुक्त रूपमा पुनर्निर्माण कार्यको शिलान्यास गरेका हुन् ।
उक्त सडकखण्ड निर्माणको ठेक्का जापानी कम्पनी सिमिजू कर्पोरेशनले पाएको छ । २ अर्ब ६० करोड नेपाली रुपैयाँको अनुदान सहयोगमा यो खण्ड निर्माण हुन लागेको हो ।
