हिमालयन रियल्टर्स प्रालीले घरजग्गा सम्बन्धी कारोबार गर्ने लाईसेन्स पाएको छ । भूमि व्यवस्था, सहकारी तथा गरिबी निवारण मन्त्रालय अन्तर्गतको भूमि व्यवस्थापन तथा अभिलेख विभागले फागुन ४ गते कम्पनीलाई घरजग्गा सम्बन्धी कारोबार गर्न सक्ने गरि लाईसेन्स दिएको हो ।
विभागले ३६ कम्पनीलाई लाईसेन्स दिएकोमा हिमालयन रियल्टर्स पहिलो नम्बरमा रहेकोले आफु नेपाल कै पहिलो रियल स्टेट ब्रोकर कम्पनी बन्न सफल भएको कम्पनीले जनाएको छ । कम्पनीको लाईसेन्स नम्बर BRK1835451 रहेको छ।
कम्पनीले मालपोत ऐन, २०३४ को दफा २६क. तथा मालपोत नियमावली, २०३६ को नियम २३ को उपनियम (२) बमोजिम घरजग्गा सम्बन्धी कारोबार गर्न लाईसेन्स पाएको हो। कम्पनीले भरतपुर महानगरपालिका, हेटौडा उ.म.न.पा., विराटनगर महानगरपालिका, धरान उपमहानगरपालिका, ईटहरी उपमहानगरपालिका, पोखरा महानगरपालिका, बुटवल उपमहानगरपालिका, जीतपुर सिमरा उपमहानगरपालिका, घोराही उपमहानगरपालिका, तुल्सीपुर उपमहानगरपालिका, नेपालगञ्ज उपमहानगरपालिका, काठमाण्डौ महानगरपालिका, ललितपुर महानगरपालिका, धनगढी उपमहानगरपालिका, जनकपुर उपमहानगरपालिका, विरगंज महानगरपालिका, र कलैया उपमहानगरपालिकामा घर जग्गा सम्बन्धि कारोबार गर्न पाउँछ ।
एक पटकको कारोबारको अधिकतम सीमा पाँच करोड रुपैयाँ भन्दा घटी वा बढी जतिसुकै हुन सक्ने छ। कम्पनीको लाईसेन्स अवधि २०८७ फागुन ३ गतेसम्म रहेको छ ।
यस कम्पनीका संस्थापकमा सीएहरु रहेका छन् । कम्पनीका अध्यक्ष माधव पोखरेल हुन् भने अन्य संचालकमा प्रकाश अधिकारी र सरिता ज्ञवाली रहेका छन् ।
यो पनि : २१ ठाउँबाट घरजग्गा पास गर्दा कम्पनीमार्फत नै कारोबार गर्नुपर्ने, यी ३६ वटाले पाए लाईसेन्स
