स्वतन्त्र उर्जा उत्पादकहरुको संस्था इप्पानले नव नियुक्त ऊर्जा, जलस्रोत तथा सिचाईसहित भौतिक पूर्वाधार तथा यातायात र शहरी विकास मन्त्रालयको मन्त्री कुलमान घिसिङलाई बधाई ज्ञापन गर्दै कार्यकालको पूर्ण सफलताको कामना गरेको छ।
घिसिङ मन्त्री नियुक्त भएकोमा इप्पानले खुसी व्यक्त पनि गरेको छ। नेपाल विद्युत प्राधिकरणको कार्यकारी निर्देशकको जिम्मेवारी पूरा गरि लामो समयसम्म ऊर्जा क्षेत्रमै सकृय भएर यस क्षेत्रबारे अनुभव र ज्ञान हासिल गरेका घिसिङ मन्त्री नियुक्त भएकोमा इप्पानले खुसी व्यक्त गरेको हो ।
घिसिङको कार्याकालमा नेपालको ऊर्जा क्षेत्रको विकास र विस्तारमा ठूलो योगदान पुग्नुका साथै ऊर्जा क्षेत्रमा सहभागी निजी क्षेत्रलाई अझ बढी उत्साहित र उच्च मनोबलका साथ काम गर्ने वातावरण निर्माण हुने अपेक्षा इप्पानले व्यक्त गरेको छ। सम्पुर्ण ऊर्जा क्षेत्रकाे लागि घिसिङको कार्यकाल स्वर्णिम कार्यकाल हुने विश्वास पनि इप्पानले व्यक्त गरेको छ।
आगामी दिनमा पनि विगतमा जस्तै हातेमोलो र सहकार्य गर्न तयार रहेको इप्पानले जनाएको छ।
