साविकको साधना र सबैको लघुवित्त मर्ज भएर बनेको सम्पदा लघुवित्तको प्रमुख कार्यकारी अधिकृतमा केशव कुमार पौडेल नियुक्त भएका छन् । लघुवित्तको साउन १ गते बसेको सञ्चालक समितिको बैठकले पौडेललाई सीइओ नियुक्त गरेको हो ।
पौडेल साविकको सबैको लघुवित्तको सीइओ थिए । कम्पनीले कम्पनी सचिवको जिम्मेवारी पनि पौडेललाई नै दिएको छ।
मर्जरपछि कम्पनीले असार ३० गतेबाट एकिकृत कारोबार सुरु गरेको थियो । नयाँ बनेको कम्पनीको सञ्चालकहरुमा कृष्ण बहादुर थापा, डा. नरहरी ढकाल, जीबमूर्ती पन्त , प्रदिप सिग्देल शर्मा, दिनेश अर्याल र श्याम प्रसाद श्रेष्ठ चयन भएका छन् । कम्पनीको अध्यक्षमा कृष्ण बहादुर थापा रहेका छन् ।
