सिन्धु विकास बैंक लिमिटेडको कायम मुकायम प्रमुख कार्यकारी अधिकृतमा चार्टर्ड एकाउण्टेन्ट गणेश कुमार के.सी. नियुक्त भएका छन्। बैंकको साउन १४ गते बसेको संचालक समितिको बैठकले यस अघि सीइओ रहेका राम कुमार गिरीको राजीनामा स्वीकृत गर्दै गणेश कुमार के.सी.लाई कामु सीइओ नियुक्त गरेको हो ।
केसी २०८० साल पौष १ गते देखि बैंकको डेपुटी सीइओ थिए । अब भने बैंकले उनलाई कामु सिइओको जिम्मेवारी दिएको हो ।
बैंकका अनुसार उनीसँग बैंक तथा बित्तिय संस्थामा करिब २१ बर्ष भन्दा बढीको कार्य अनुभव छ । उनीसँग मालिका विकास बैंकको प्रमुख कार्यकारी अधिकृत तथा कुमारी बैंक लि.को आन्तरिक लेखा परिक्षण विभागमा विभागीय प्रमुखको समेत कार्य गरेको अनुभव छ ।
