नेपाल एसबिआई बैंकले आफ्नो सामाजिक उत्तरदायित्व कार्यक्रम अन्तर्गत सुनसरी जिल्लाको इटहरी उपमहानगरपालिका-८ स्थित सेतो गुराँस नमुना बालबाटिका आधारभूत विद्यालयमा अध्ययनरत सम्पुर्ण विद्यार्थीहरुका लागि शैशिक तथा खेलकुद सामग्री सहयोग गरेको छ ।
स्कुल सहितका शैक्षिक तथा खेलकुद सामाग्रीहरु सामाग्रीहरु बैंककी कोशी प्रदेश प्रमुख दमयन्ती जोशीले सेतो गुराँस नमुना बालबाटिकाकी प्रधानाध्यापक लक्ष्मी चौधरीलार्ई हस्तान्तरण गरेकी छिन् ।
यस किसिमको पहलले विद्यालयको शैक्षिक वातावरण प्रभावकारी हुनुका साथै विद्यार्थीहरुको पठनपाठनमा थप सहजता ल्याउने लक्ष्य बैंकले राखेको छ । यस कार्यक्रमबाट गरिब तथा विपन्न वर्गका ११० भन्दा बढी विद्यार्थीहरु लाभान्वित भएका छन् । सो कार्यक्रममा शिक्षक, विद्यार्थी तथा बैंकका अन्य अधिकारीहरूको समेतको उपस्थिति रहेको थियो ।
नेपाल एसबिआई बैंकले हाल १०३ शाखा, २२ एक्स्टेन्सन काउन्टर, ७ प्रादेशिक कार्यालय, २१ शाखारहित बैंकिङ सेवा १२७ एटिएम र १ कर्पोरेट कार्यालयमार्फत सेवा दिँदै आएको छ ।
