ज्योति विकास बैंकको बरिष्ठ नायव प्रमुख कार्यकारी अधिकृतमा प्रकाश बराल बढुवा भएका छन् । यस अघि नायव प्रमुख कार्यकारी अधिकृत रहेका बराललाई बैंकले बरिष्ठ नायव प्रमुख कार्यकारी अधिकृतमा बढुवा गरेको हो ।
बराल डेढ वर्ष अघि एनआईसी एसिया बैंकबाट ज्योति विकास बैंक आएका थिए। उनीसँग बैंकिङ्ग क्षेत्रको उच्च व्यवस्थापन तहमा १४ वर्ष भन्दा बढीको अनुभव छ ।
बरालसँग भारतको बिडिओ इन्टरनेशनलका साथै नेपाल बैंक लिमिटेड, प्रभु बैंक लिमिटेड तथा एन आई सी एशिया बैंक लिमिटेडको उच्च व्यवस्थापन तहमा कार्य गरेकोे अनुभव रहेको छ । यसका साथै, एन आई सी एशिया लघुवित्त वित्तीय संस्थामा समेत सञ्चालकको भूमिका निर्वाह गरेका बरालको अन्य विभिन्न संस्थाहरुमा समेत सफल कार्य गरेको अनुभव रहेको छ । उनी हाल ज्योति विकास बैंकको सहायक कम्पनी ज्योति क्यापिटलको अध्यक्ष पनि हुन् ।
भारतको आई.सि.ए.आईबाट चार्टर्ड एकाउन्टेन्सी गरेका प्रकाश बरालले त्रिभुवन विश्वविद्यालयबाट एल एल.बि को साथै अर्थशास्त्रमा स्नातकोत्तर समेत गरेका छन् ।
