सीजी मोटर्सले दायूनको युएहु मोडलको मूल्य सार्वजनिक गरेको छ । यस गाडीको नेपालका लागि आधिकारीक बिक्रेता सीजी मोटर्सले युएहु मोडलको मूल्य ३१ लाख रुपैयाँ घोषणा गरेको हो ।
नेपाली बाटोलाई सुहाउँदो माइक्रो एसयूभीमा ३५ किलोवाट क्षमताको इलेक्ट्रीक मोटर छ । उक्त मोटरलाई इनर्जी दिन ३०.६६ किलोवाट आवरको ब्याट्री जडान गरिएको छ ।
सिंगल चार्जमा ३ सय किलोमिटर रेञ्ज दिने भनिएको यस कारमा डीसी चार्जर दिएको छ । यसमा चार्जर भने जिवीटी लाग्छ ।
सीजीले दायुन युएहुमा रहेको मोटर र ब्याट्रीमा ८ वर्ष वा १ लाख ५० हजार किलोमिटरसम्मको वारेन्टी दिएको छ । च्यासिसमा भने ५ वर्ष वा १ लाख २० हजार किलोमिटर वारेन्टी छ ।
दायुनको कम्प्याक्ट कारको मुख्य विशेषता मध्येको एक ग्राउन्ड क्लियरेन्स हो । यसमा २०१ एमएम अग्लो ग्राउन्ड क्लियरेन्स छ । यसमा ७ इन्चको इन्सट्रुमेन्ट क्लस्टर, किलेश इन्ट्री, टाएर प्रेशर मनिटरीङ्ग सिस्टम, एयरब्याग, इबीडी सहितको एबीएस, हिल स्टार्ट एसीस्ट कन्ट्रोल, अटोमेटिक हेडल्याम्प, वन टच विन्डो, पार्किङ्ग रेडार र क्रुज कन्ट्रोल लगायतका विशेषता छन् ।
