नेपाल राष्ट्र बैंकले अत्यावश्यक बैंकिङ तथा डिजिटल भुक्तानी सेवा सुचारू गर्न राष्ट्र बैंकको निर्देशन दिएको छ। राष्ट्र बैंकले सम्पूर्ण इजाजतपत्रप्राप्त बैंक, विकास बैंक, वित्त कम्पनी तथा भुक्तानीसम्बन्धी कार्य गर्ने संस्थाहरू,लाई यस्तो निर्देशन दिएको हो ।
राष्ट्र बैंकले सीमित कर्मचारीबाट आफ्ना सम्वेदनशील प्रणाली (Critical System) सञ्चालन गरी अत्यावश्यक बैंकिङ तथा डिजिटल भुक्तानीसम्बन्धी सेवा सुचारू गर्नुहुन र अन्य प्रणालीको हकमा जोखिमको आधारमा Remote Access मार्फत सञ्चालन गर्ने व्यवस्था मिलाउन राष्ट्र बैंकले निर्देशन दिएको हो । साथै सञ्चालनमा आएका शाखा, एटीएम र उपलब्ध सेवासम्बन्धी सूचना आफ्नो website तथा सामाजिक सञ्जालमार्फत सर्वसाधारणलाई जानकारी गराउन राष्ट्र बैंकले भनेको छ ।
राष्ट्र बैंकले सबै संस्थालाई आफ्नो व्यावसायिक निरन्तरता (Business Continuity) लाई मध्यनजर गर्दै नेपाल सरकार रक्षा मन्त्रालय, नेपाली सेनाको मिति २०८२/०५/२५ मा जारी विज्ञप्ति नं. १६ अनुसार आवतजावत हुने उल्लेखित कार्य गर्न भनेको हो ।
नेपाली सेनाले आजदेखि बैंक तथा वित्तीय संस्थाका कर्मचारीलाई परिचय पत्रको आधारमा आवतजावत गर्न दिएको छ ।
