हिमालयन इन्भेष्टमेन्ट बैंकर लिमिटेडले साधारणसभा आह्वान गरेको छ। कम्पनीले भदौ ३१ गते नयाँ बानेश्वर स्थित आफ्नै कार्यालयको सभाहलमा साधारणसभा आह्वान गरेको हो।
कम्पनीको सभामा वार्षिक प्रतिवेदन पारित गर्ने, वासलात र अन्य वित्तीय विवरण पारित गर्ने, लेखापरीक्षक नियुक्ति गर्ने लगायतका प्रस्ताव पेश हुने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्तावहरु :
१) सञ्चालक समितिको तर्फबाट प्रस्तुत आर्थिक वर्ष २०८१/८२ को वार्षिक प्रतिवेदन उपर छलफल गरी पारित गर्ने ।
२) लेखापरीक्षकको प्रतिवेदन सहितको २०८२ आषाढ मसान्तको वासलात तथा सोही मितिमा समाप्त भएको आ.व. २०८१/८२ को नाफा नोक्सान हिसाब तथा नगद प्रवाह विवरण लगायत सम्पूर्ण वित्तीय विवरण उपर छलफल गरी पारित गर्ने ।
३) सञ्चालक समितिको सिफारिस बमोजिम आर्थिक वर्ष २०८२/८३ को हिसाव किताब लेखापरीक्षण गर्नका लागि लेखापरिक्षक नियुक्ती गर्ने र निजको पारिश्रमिक निर्धारण गर्ने ।
४) संस्थापक समूहको तर्फबाट मनोनित संचालकको नियुक्ती अनुमोदन गर्ने ।
