लक्ष्मी सनराइज बैंक लिमिटेडका विभिन्न संस्थापकहरुले आफ्नो नाममा रहेको ८२ लाख ९७ हजार ५ सय ६५ कित्ता संस्थापक शेयर बिक्री गर्ने भएका छन् । ति शेयर बिक्री गर्नको लागि हाल कायम रहेका संस्थापक शेयरधनीहरुलाई नै प्राथमिकतामा राखिएको बैंकले जनाएको छ ।
बैंकका अनुसार उक्त संस्थापक शेयरहरू खरिद गर्न चाहने संस्थापक शेयरधनीहरूले सूचना प्रकाशित भएको मितिले ३५ दिनभित्र सो सम्बन्धी विवरण खुलाई बैंकको मुख्य कार्यालय हात्तीसार, काठमाडौंमा लिखित जानकारी गराउन अनुरोध गरेको छ।
तोकिएको समयावधी भित्र विद्यमान संस्थापकहरूबाट शेयर खरिद गर्ने सम्बन्धमा कुनै लिखित जानकारी प्राप्त हुन नआएमा बैंक तथा वित्तीय संस्था सम्बन्धी ऐन, २०७३, नेपाल राष्ट्र बैंकको एकिकृत निर्देशन तथा अन्य प्रचलित कानून बमोजिम शेयर बिक्री प्रक्रिया अगाडी बढाईने बैंकले प्रष्ट पारेको छ।
