तारागाउँ रिजेन्सी होटल्सको लाभांश सुरक्षित गर्ने आज अन्तिम दिन रहेको छ । कम्पनीले साधारणसभा तथा लाभांश प्रयोजनको लागि पुस ७ गते बुक क्लोज गर्दैछ । पुस ५ र ६ गते शुक्रबार र शनिबार परेकाले सेयर कारोबार बन्द हुँदा पुस ४ गते बिहीबारसम्म कायम सेयरधनीले मात्रै लाभांश पाउन सक्नेछन् ।
तारागाउँ रिजेन्सी होटल्सले गत वर्षको नाफाबाट लगानीकर्तालाई ११ प्रतिशत नगद लाभांश वितरण गर्दैछ ।
उक्त लाभांश प्रस्ताव पारित गर्न कम्पनीले पुस २४ गते वार्षिक साधारणसभा डाकेको छ ।
