भोटेकोशी नदीमा आएको बाढीका कारण ४० किलोमिटर सडक पूर्णरुपमा क्षतिग्रस्त भएको छ । सडक विभागका अनुसार रणनीतिक सडक सञ्जालका ४० किलोमिटर खण्ड क्षतिग्रस्त भएको हो ।
विभागका महानिर्देशक डा. विजय जैसीले ८२ किलोमिटर दूरीको गल्छी–बेत्रावती–रसुवागढी सडकखण्डको विदुरदेखि रसुवागढीसम्मको ५६ किलोमिटरमध्ये ४० किलोमिटर सडक पूर्ण रूपमा ध्वस्त भएको जनाएका छन् ।
पृथ्वी राजमार्गको कृष्णभीर र परेवाभीरमा नदीले कटान गरेपछि सडक भासिएको छ । अहिले यो राजमार्ग बन्द छ ।
