चीनको जलस्रोत मन्त्रालयले नेपालमा छोचेन खोला र पुरेपु साङपो नदीको संगम नजिक ठूलो ताल (ब्यारियर लेक) बनेको जानकारी दिएको छ। मन्त्रालयका अनुसार भोटेकोशी नदीको माथिल्लो भागमा बिहीबार बिहानसम्म उक्त तालमा करिब २० लाख घनमिटर पानी जमेको छ र ताल पहिले नै ओभरफ्लो भइसकेको अवस्था छ।
आगामी तीन दिनभित्र थप ३० लाख घनमिटर पानी तालमा थपिने अनुमान गरिएको छ। यसले ताल फुट्ने उच्च जोखिम बढाएको छ।
चीनको सरकारी टेलिभिजन सीसीटीभीले बिहीबार यो जानकारी दिएको हो। मन्त्रालयले तालको अवस्था निरन्तर अनुगमन गरिरहेको, बाढीको सिमुलेसन तथा विश्लेषण गर्दै संभावित तयारी र आपत्कालीन उद्धारमा सहयोग पुर्याउने काम गरिरहेको जनाएको छ।
