वायुसेवा संचालक संघले एयरलाइन्स कम्पनीहरुले तोकिएको भन्दा बढी हवाई भाडा नलिएको स्पष्ट पारेको छ । संघका अध्यक्ष प्रतापजंग पाण्डेले एक विज्ञप्ति जारी गरेर यात्रुहरुको अत्यधिक चापका कारण केही गन्तव्यमा सस्तो दरका हवाई टिकट सकिए पनि कम्पनीहरूले साविककै भाडादरमा टिकट बिक्री गरिरहेको जनाएका छन् ।
संघले एयरलाइन्स कम्पनीहरुले नागरिक उड्डयन प्राधिकरणले तोकेको भन्दा बढी भाडा नलिएको पनि प्रष्ट पारेको छ ।
संघले अहिलेको जटिल अवस्थामा निजी हेलिकप्टर कम्पनीहरूले खोज तथा उद्धारलाई प्राथमिकता दिएर उडानहरु गरिरहेको पनि जनाएको छ ।
