सार्वजनिक ऋण व्यवस्थापन कार्यालयले नागरिक बचतपत्र र वैदेशिक रोजगार बचतपत्र अभौतिकीकरण गर्न बचतपत्रधनीलाई आग्रह गरेको छ। कार्यालयले विभागको वेबसाइट मार्फत नै अनलाइनबाट नागरिक बचतपत्र र वैदेशिक रोजगार बचतपत्र अभौतिकीकरण गर्नको लागि आग्रह गरेको हो ।
कार्यालयका अनुसार सम्पुर्ण बचतपत्रधनीले कार्यालयको वेबसाइटमा रहेको Investor Portal मा Sign Up गरि CUI Number र सक्कल प्रमाणपत्र समेत संलग्न राखी निवेदन पेश गर्नु पर्छ । निवेदनको ढाँचा कार्यालयको वेभसाइट www.pdmo.gov.np को सूचनाबाट डाउनलोड गर्न सकिनेछ।
नेपाल राष्ट्र बैक मार्फत २०८१।०२।३१ सम्म जारी भएका विभिन्न नागरिक बचतपत्र र वैदेशिक रोजगार बचतपत्रको साँवा / ब्याज भूक्तानी प्रक्रिया र दोस्रो बजार कारोबारलाई सहजीकरण गर्न भौतिक प्रमाणपत्रलाई Debt Operation & Management Software (DOMS) System र Investor Portal मा अभिलेख गरी अभौतिकीकरण गर्ने प्रक्रिया सुरु गरिएको हो ।
