सरकारले थप ३ वटा अध्यादेश जारी गर्न राष्ट्रपति समक्ष सिफारिस गरेको छ । सरकारले मन्त्रिपरिषद बैठकबाट निर्णय गरेर थप ३ अध्यादेश जारी गर्न सिफारिस गरेको हो ।
आज सिफारिस गरिएका अध्यादेशमा ‘केही नेपाल ऐनलाई संशोधन गर्न बनेको अध्यादेश’, ‘विश्वविद्यालयसम्बन्धी केही नेपाल ऐनलाई संशोधन गर्न बनेको अध्यादेश’ र ‘स्वास्थ्य विज्ञान प्रतिष्ठानसम्बन्धी अध्यादेश’ रहेका छन्।
यस अघि हिजो पनि सरकारले २ वटा अध्यादेश जारी गर्न राष्ट्रपति समक्ष सिफारिस गरेको थियो । हिजो सरकारले ‘संवैधानिक परिषद्को काम, कर्तव्य र अधिकारसम्बन्धी ऐन संशोधन गर्न अध्यादेश’ र सहकारी समबन्धी अध्यादेश जारी गर्न सिफारिस गरेको थियो।
अहिले यी अध्यादेशबारे राष्ट्रपति कार्यालयमा अध्ययन भइरहेको बताईएको छ।
