नेपाल राष्ट्र बैंकले आफ्नो टक्सार महाशाखामा महाशाखामा कम्प्युटर बिलिङ लागु गरेको छ । यस संगै अब महाशाखाले असर्फी, स्मारिका सिक्का र मेडालियनको बिक्री गर्दा कम्प्यूटर बिलिङ्ग उपलब्ध गराउने छ ।
साथै अब ग्राहकहरुले असर्फी, स्मारिका सिक्का र मेडालियन खरिदका लागि अनुरोध गर्दा अनिवार्य रुपमा आफ्नो परिचय खुल्ने प्रमाण पेश गर्नु पर्ने छ । महाशाखका अनुसार नेपाली नागरिकताको प्रमाणपत्र वा राष्ट्रिय परिचयपत्र वा चालक अनुमतिपत्र वा मतदाता परिचयपत्र वा राहदानी वा नेपाली नागरिकताको प्रमाण पत्र नम्बर उल्लेख भएको अन्य प्रमाणपत्रमध्ये कुनै एक पेश हुने गर्नु पर्छ ।
विदेशी नागरिकको हकमा राहदानी प्रस्तुत गर्नु पर्ने व्यवस्था गरिएको महाशाखाले जनाएको छ।
