शुक्रबार र शनिबार पश्चिमी वायु पुनः सक्रिय हुने सम्भावना देखिएको मौसम विज्ञान विभागले जनाएको छ । शुक्रबार र शनिबार (चैत १३–१४) देशका धेरै स्थानमा वर्षाको सम्भावना रहेको विभाग अन्तर्गतको मौसम पूर्वानुमान महाशाखाले जनाएको छ ।
शुक्रबार दिउँसोदेखि नै वर्षाको सम्भावना रहेको बताइएको छ । पश्चिमबाट सुरु हुने वर्षा क्रमशः पूर्वसम्म फैलने महाशाखाका मौसमविद् डेभिड ढकालले जानकारी दिएका छन् । यद्यपी, यसपटक ठूलो वर्षा नभई मध्यम वर्षा हुने देखिएको उनको भनाइ छ ।
तर कतै कतै असिना पानी र हावाहुरीको सम्भावना भने रहेको ढकालले जानकारी दिएका छन् ।
शनिबार कोशी, बागमती र मधेशमा बढी पानी पर्ने सम्भावना छ ।
