उज्यालो नेपाल पार्टीका अध्यक्ष कुलमान घिसिङले आफ्नो पार्टीले सडकबाटै सरकार चलाउने बताएका छन् । पार्टीको बागमती प्रदेश स्तरीय अगुवा कार्यकर्ता भेला तथा प्रशिक्षण कार्यक्रम उनले सडकबाटै सरकार चलाउने उद्घोष गरेका हुन् ।
सडकबाटै आम जनताको सरकारको रुपमा काम गर्ने भन्दै उनले आफ्नो पार्टीले सडकबाटै सशक्त भूमिका निर्वाह गर्ने बताएका हुन् ।
‘सडकमा बसेर सरकार चलाउनु भनेर हामीलाई जनताले म्यान्डेट दिएको छ । हामी सडकमा बसेर आम नेपाली जनताको सरकार चलाउने छौँ । सडकको सरकार उज्यालो नेपाल पार्टीको हुनेछ’ घिसिङले भने, ‘सडकबाट पनि सशक्त भूमिका हामीले निभाउनेछौं ।’
उनले आफ्नो पार्टी आगामी प्रदेश तथा स्थानीय तहको निर्वाचनमा नेपालको सशक्त पार्टीको रुपमा उदाउने दाबी समेत गरेका छन् ।
