सरकारले लीलादेवी गड्तौलालाई मुख्यसचिवमा नियुक्त गरेको छ । मन्त्रिपरिषद्को बिहीबार बसेको बैठकले कामु मुख्यसचिव गड्तौलालाई मुख्यसचिवमा नियुक्त गरेको बताइएको छ ।
गड्तौला निजामती प्रशासनको नेतृत्व गर्ने पहिलो महिला भएकी छिन् ।
यसअघिका मुख्यसचिव डा. बैकुण्ठ अर्यालमाथि भ्रष्टाचार मुद्दा लागेपछि गड्तौला निमित्त मुख्यसचिव थिइन् । उनलाई केपी ओली सरकारले पहिलो मन्त्रिपरिषद बैठकबाट कामु मुख्यसचिव बनाएको थियो ।
