सांसद उदय शमशेर जबराले नेपाल नागरिक उड्डयन प्राधिकरण (क्यान)का महानिर्देशक प्रदीप अधिकारीलाई भटाभट भइरहेका जहाज दुर्घटनाको जिम्मेवारी लिन भनेका छन् । आज संसदीय समितिमा भएको छलफलमा सांसद जबराले प्रदीप अधिकारीले प्राधिकरणको नेतृत्व सम्हाले यता मात्रै हवाई दुर्घटनाका ७ वटा घटना भएको तथ्य सुनाउँदै जिम्मेवारी लिन आग्रह गरे ।
प्राधिकरणमा तपाईँकै नेतृत्व यता मात्र ७ वटा जहाज दुर्घटनामा परिसकेका छन्, यसको जिम्मेवारी लिनुपर्दैन ? दोष जति सधैँ अरूलाई नै लगाउने ?’ उनले थप प्रश्न गर्दै भने, ‘अन्य देशमा यस्तो हुन्थ्यो भने कि त नेतृत्वले आफैँ राजीनामा दिनुपर्थ्यो कि त सरकारले हटाउँथ्यो । प्राधिकरणको नेतृत्व फेर्ने कुरामा सोच्ने बेला आएको छ ।’
