आज बुधबार मन्त्रिपरिषद्को आकस्मिक बैठक बस्दै छ । प्रधानमन्त्री केपी ओलीले बुधबार अपराह्न पाँच बजेका लागि मन्त्रिपरिषद्को आकस्मिक बैठक बोलाएका हुन्।
बैठकले बुधबार बिहान भएको सौर्य एयरलायन्सको जहाज दुर्घटनाबारे छानबिन गर्न छानबिन आयोग गठन गर्ने बताईएको छ। त्यस्तै राहत लगायतको विषयमा पनि न्रिने हुन सक्ने बताईएको छ।
आज बुधबार बिहान काठमाडौँ स्थित त्रिभुवन अन्तराष्ट्रिय विमानस्थलबाट पोखरा उड्ने क्रममा उडेको केहि बेर मै सौर्य एयरलायन्सको जहाज दुर्घटनाग्रस्त भएको थियो । सौर्य एयरलायन्सको ९एन-एएमई कल साइनको जहाज दुर्घटना भएको हो। जहाजमा चालक दलका २ जना सदस्य र सौर्य एयरलायन्स कै १७ जना कर्मचारी गरि १९ जना सवार थिए। दुर्घटनामा जहाजका क्याप्टेन बाहेक अन्य १८ जनाको मृत्यु भएको छ। क्याप्टेनको भने उपचार हुदै छ।
प्रधानमन्त्री केपी शर्मा ओली र गृहमन्त्री रमेश लेखकले विमानस्थल पुगेर दुर्घटनास्थलको अवतरण गर्दै घटनाबारे जानकारी लिएका थिए । अब साँझ बस्ने मन्त्रिपरिषद्को बैठकले छानबिन र राहतबारेको निर्णय गर्ने छ ।
