प्रधानमन्त्री केपी शर्मा ओलीले साउन ६ गते संसदबाट विश्वासको मत लिने भएका छन् । नेकपा एमालेका प्रमुख सचेतक महेश कुमार वर्तौलाका अनुसार साउन ६ गते आइतबार बस्ने प्रतिनिधिसभाको बैठकमा प्रधानमन्त्री ओलीले विश्वासको मत लिने भएका हुन् ।
संविधानको धारा ७६(२) अनुसार राष्ट्रपति रामचन्द्र पौडेलले असार ३० गते ओलीलाई प्रधानमन्त्रीमा नियुक्त गरेका थिए । प्रधानमन्त्रीले नियुक्त भएको ३० दिनभित्र संसदबाट विश्वासको मत लिनुपर्ने संवैधानिक प्रावधान छ ।
