भाद्र २३ र २४ को घटना सम्बन्धी जाँचबुझ आयोगले नेपाल प्रहरीका निवर्तमान महानिरीक्षक चन्द्रकुबेर खापुङलाई विदेश भ्रमणमा जान रोक लगाएको छ । आयोगको आज कार्तिक २७ गते बसेको बैठकले यो निर्णय गरेको हो ।
आजदेखि सेवाबाट निवृत्त भएका नेपाल प्रहरीका महानिरीक्षक चन्द्रकुबेर खापुङलाई भाद्र २३ र २४ गतेका घटनाहरुको छानविन तथा जाँचबुझको लागि कुनैपनि समयमा आयोगमा उपस्थित हुनु पर्ने हुँदा आजै देखि लागु हुने गरी निजको विदेश भ्रमणमा रोक लगाउने निर्णय भएको आयोगले जनाएको छ।
साथै उनले आयोगको स्वीकृति बेगर काठमाडौं उपत्यका छाड्न पनि नपाउने भएका छन्।
