कम्पनी रजिष्ट्रारको कार्यालयका रजिष्ट्रार ईश्वरकुमार गिरीलाई उद्योग वाणिज्य तथा आपूर्ति मन्त्रालयले मन्त्रालयमा तानेको छ । अनलाइन प्रणालीमै चलखेल गरेर घुस लिएको आरोप लागेपछि गिरीलाई मन्त्रालयमा तानिएको हो ।
हाललाई निमित्त रजिष्ट्रारको जिम्मेवारी देवीप्रसाद सुवेदीलाई दिइएको छ ।
अनलाइन सिस्टममै चलखेल गरेर घुस लिने गरेको समाचार आएपछि उद्योग, वाणिज्य तथा आपूर्ति मन्त्रालयले छानबिन समिति गठन गरेको थियो । बुधबार रजिष्ट्रार गिरी र उपरजिष्टार सोमराज बराल, सहायक रजिष्ट्रारद्वय रविन कार्की र भीमप्रसाद पराजुलीलाई उक्त छानबिन समितिले स्पष्टीकरण सोधेको थियो ।
