नेपाली युवा उद्यमी मञ्च (एनवाईईएफ)को अध्यक्षमा सुदीप घिमिरे निर्वाचित भएका छन् । शुक्रबार काठमाडौँमा आयोजित मञ्चको २१औँ साधारणसभाले घिमिरेलाई सर्वसम्मत रुपमा अध्यक्ष चयन गरेको हो ।
घिमिरे एसजी ग्रुपका निर्देशक हुन् । यस समूहले उत्पादनमूलक उद्योग, ऊर्जा, निर्माण, शिक्षा, बैंक तथा वित्तीय संस्था, सञ्चार, कृषि, एलपीजी बोटलिङ, हस्पिटालिटीलगायतका क्षेत्रमा लगानी गरेको छ ।
घिमिरेले इन्दिरा गान्धी नेशनल ओपन यूनिभर्सिटीबाट एमबीए गरेका छन् । उनले इटहरी उद्योग वाणिज्य संघ र मोरङ उद्योग संघको कार्यकारी समितिका सदस्य भएर काम गरिसकेका छन् ।
मञ्चको अध्यक्ष नेपाल उद्योग वाणिज्य महासंघको पदेन सदस्य रहने प्रावधान छ ।
