सार्वजनिक खरिद अनुगमन कार्यालयले नेपाल प्रिमीयर लिग (एनपीएल)को आयोजनामा भएको भनिएको खरिद ऐन उल्लङ्घनबारे क्रिकेट संघसँग जवाफ माग गरेको छ । प्रधानमन्त्री तथा मन्त्रिपरिषद कार्यालय अन्तर्गतको सार्वजनिक खरिद अनुगमन कार्यालयले विदेशी एजेन्सीसँग एनपीएलको प्रत्यक्ष प्रशारण लगायतका सम्झौता गर्दा सार्वजननिक खरिद ऐन विपरित भएको भन्ने गुनासो आएको भन्दै क्रिकेट संघसँग जवाफ माग गरेको हो ।
कार्यालयले मंसिर १२ गते नै ७ दिनभित्र प्रमाणित कागजात पेश गर्न क्यानलाई आदेशानुसार निर्देशन दिएको हो । कार्यालयले क्यानसँग प्रष्टिकरण माग गरेको पत्रमा कार्यालयका इन्जिनियर सुभाष कुमार खड्का क्षेत्रीले हस्ताक्षर गरेका छन् ।
नेपाल विज्ञापन संघ सहितका संगठनहरुले एनपीएलको प्रत्यक्ष प्रशारण लगायतका सम्झौता हुँदा सार्वजनिक खरिद ऐनलाई वेवास्ता गरिएको भन्दै क्यानविरुद्द उजुरी दिएका थिए ।
एनपीएलको मुख्य प्रायोजकमा सिद्धार्थ बैंक छ भने ‘पावर्ड बाई’मा एनसेल रहेको छ ।
