नेपाल पुँजी बजार लगानीकर्ता संघकी अध्यक्ष राधा पोखरेलले चालु आर्थिक वर्षको मौद्रिक नीति विगतको भन्दा सकारात्मक रहेको बताएकी छिन्। आफुहरुले दिएको सुझाव अनुरुप मौद्रिक नीति नआए पनि विगत ३ वर्षको भन्दा अहिलेको मौद्रिक नीति राम्रो रहेको उनको भनाई छ।
संस्थागत लगानीकर्तालाई शेयर धितोकर्जाको सीमा खुला गर्नु सकारात्मक रहे पनि व्यक्तिगतको हकमा पनि सीमा खोल्नु पर्ने उनी बताउछिन्। त्यस्तै शेयर धितोकर्जाको जोखिमभार पनि नघटेकोले आफ्ना माग पुरा नभएको उनको भनाई छ।
यद्यपि शेयरबजारलाई नराकात्मक बनाउने विषय मौद्रिक नीतिमा नआएकोले समग्रमा मौद्रिक नीति राम्रो नै रहेको पोखरेल बताउछिन् । मौद्रिक नीतिले पुँजीबजारलाई दीर्घकालीन रुपमा राम्रो नै गर्ने उनको भनाई छ। राष्ट्र बैंकले केही लचक मौद्रिक नीति ल्याएकोले पुँजीबजार पनि सकारात्मक नै हुने अपेक्षा गरिएको पोखरेल बताउछिन् ।
यो पनि : अन्तिम पटकमा गभर्नरले ल्याए लचिलो मौद्रिक नीति: बैंक, लघुवित्तदेखि शेयर लगानीकर्तालाई राहत
