तिहार सकिएसँगै तराई मधेश र काठमाडौँ उपत्यकामा समेत छठ पर्वको तयारी सुरु भएको छ । तिहार पर्वको समापनसँगै तराई मधेशसहित देशभर प्रमुख चाडको रुपमा मनाइने छठ पर्वको तयारी सुरु भएको हो ।
मिथिलासहित तराई क्षेत्रको प्रमुख पर्वको रुपमा मनाईने छठका लागि पोखरी, नदी, तलाउका किनारहरुमा तयारी सुरु भएको छ ।
सूर्य भगवान तथा छठी माताको पूजा पानीमै गरिने भएकाले मिथिलाञ्चलका जलाशयहरुमा सरसफाई, घाट निर्माण, खाल्डाखुल्डी पुर्ने, सडक मर्मतको कार्य जारी छ ।
साथै, काठमाडौँका कमलपोखरी, बागमती र विष्णुमति नदी लगायतका क्षेत्रमा पनि तयारी सुरु हुन थालेको छ ।
छठ पर्वलाई निष्ठा र श्रद्धाको पर्व मानिन्छ ।
