रिलायबल नेपाल लाइफ इन्स्योरेन्सले पूर्ण अशक्तता सुविधा अन्तर्गत बीमित हरि प्रसाद काफ्लेलाई ५० लाख रुपैयाँ दाबी भुक्तानी गरेको छ ।
बीमित काफ्लेले २०७६ सालमा कम्पनीको रिलायबल सुलभ जीवन बीमा योजनाअन्तर्गत २० वर्षे अवधिको १ करोड बीमाङ्क भएको जीवन बीमा गरेका थिए । उक्त बीमा योजनासँगै पूर्ण अशक्तता सुविधा अन्तर्गत ५० लाख बराबरको अतिरिक्त सुरक्षा सुविधा पनि लिएका थिए ।
केही समयअघि बीमित काफ्लेलाई पार्किन्सन रोग देखिएको थियो । उनको अवस्था पूर्ण अशक्तता सुविधा प्राप्त गर्ने मापदण्डअनुरूप रहेको पुष्टि भएपछि कम्पनीले सोही सुविधाअनुसार ५० लाख दाबी रकम भुक्तानी गरेको हो । उक्त दाबी भुक्तानीसँगै उनले ५० लाख बराबरको बीमा शुल्क छुट सुविधा समेत प्राप्त गर्नु भएको छ ।
रिलायबल नेपाल लाइफ इन्स्योरेन्सले भविष्यमा पनि आफ्ना ग्राहक तथा तिनका परिवारलाई आवश्यक परेको कठिन समयमा भरपर्दो आर्थिक सुरक्षा प्रदान गर्ने आफ्ना बीमा योजनाहरुलाई निरन्तर कायम राख्ने प्रतिवद्धता जनाएको छ ।
