काठमाडौँ महानगरपालिकाले आफ्नै कार्यालय भित्रको चमेना गृह (क्यान्टिन)लाई कारबाही गरेको छ । काठमाडौँ प्लाजामा रहेको नारायणी चमेना गृहमा बासी खाना बेच्ने गरेको र खाजामा खाद्य स्वच्छता कायम नगरेको भन्दै महानगरले २ लाख रुपैयाँ जरिवाना गराएको हो ।
महानगर अनुगमन निरीक्षण अधिकृत नुरनिधि न्यौपानेका अनुसार खाद्य प्राविधिक सहितको टोलीले पटक–पटक लिखित निर्देशन दिँदा पनि सुधार नभएपछि महानगरले नगद जरिवानजा तिराएको हो ।
यो क्यान्टिनलाई यसअघि २०८० फागुन २० गते पनि ५० हजार रुपैयाँ जरिवाना गरिएको थियो ।
