हिमालयन पावर पार्टनर लिमिटेडले निष्काशन गरेको हकप्रद बाँडफाँड भएको छ। जेठ १९ गते हकप्रद बाँडफाँड गरिएको हो।
कम्पनीले वैशाख १७ गतेदेखि जेठ ६ गतेसम्म हाल कायम चुक्ता पूँजीको ५० प्रतिशत अर्थात् ५३ करोड २७ लाख ८ हजार ५ सय रुपैयाँ बराबरको प्रतिशेयर १०० रुपैयाँ अंकित मूल्यका ५३ लाख २७ हजार ८५ कित्ता हकप्रद शेयर निष्काशन गरेको थियो ।
बिक्री प्रबन्धक ग्लोबल आइएमई क्यापिटलका अनुसार यस हकप्रदमा रितपूर्वक आवेदन दिने ४६ हजार ७ सय ६९ जना शेयरधनीलाई ४८ लाख ५८ हजार ३ सय ४५ कित्ता हकप्रद बाँडफाँड गरिएको छ। कम्पनीले हकप्रदमा नपरेको पैसा जेठ २१ गतेदेखि फिर्ता गर्ने जनाएको छ ।
बिक्री नभएको ४ लाख ६८ हजार ७ सय ४० कित्ता शेयर लिलाममा आउने छ । कम्पनीले यी शेयर जेठ २७ देखि असार ४ गतेसम्म लिलाम गर्ने जनाएको छ ।
नेपाल धितोपत्र बोर्डले फागुन २५ गते कम्पनीलाई हकप्रद निष्काशनको अनुमति दिएको थियो।
