बुद्धभूमि नेपाल हाइड्रोपावर कम्पनीले निष्काशन गरेको हकप्रद बाँडफाँड भएको छ । जेठ ७ गते शेयर बाँडफाँड गरिएको हो।
कम्पनीले चैत्र २२ देखि वैशाख २८ गतेसम्म १:१ को अनुपातमा हाल कायम चुक्ता पुँजीको शतप्रतिशतले हुन आउने ४० करोड रुपैयाँ बराबरको ४० लाख कित्ता हकप्रद शेयर निष्काशन गरेको थियो। बिक्री प्रबन्धक एनआईसी एशिया क्यापिटलका अनुसार हकप्रदमा रितपूर्वक आवेदन दिने शेयरधनीलाई ३५ लाख २५ हजार ३ सय ४ कित्ता शेयर बाँडफाँड गरिएको छ। हकप्रदमा बिक्री नभएको ४ लाख ७४ हजार ६ सय ९६ कित्ता शेयर लिलामीमा आउने छ।
कम्पनीले हकप्रदमा नपरेको पैसा आज जेठ ८ गतेदेखि फिर्ता गर्ने जनाएको छ। नेपाल धितोपत्र बोर्डले माघ २१ गते कम्पनीलाई हकप्रद निष्काशनको अनुमति दिएको थियो।
