मोघा इनफ्राब्लाक्स लिमिटेडले नेपाल धितोपत्र बोर्डबाट प्राइभेट इक्विटी भेन्चर क्यापिटलको रुपमा कार्य गर्ने लाईसेन्स पाएको छ। धितोपत्र बोर्डले विशिष्टीकृत लगानी कोष नियमावली, २०७५ मा भएको व्यवस्था अनुसार बोर्डले कम्पनीलाई पीईभीसीको लाईसेन्स दिएको हो ।
यस कम्पनीले जलविद्युत तथा सोलार जस्ता नवीकरणीय उर्जाको क्षेत्रमा मात्र लगानी गर्ने बताएको छ। यसले सिंगापुरबाट र नेपाल भित्रबाट पनि फण्ड जुटाउने योजना बनाएको छ।
यस कम्पनीमा मोघा इनर्जीको मुख्य लगानी रहेको छ। मोघा इनर्जीले रामेछापमा ५१ मेगावाटको लिखु ए, ७७ मेगावाटको लिखु १ , र ५५ मेगावाको लिखु २ जलविद्युत आयोजनामा लगानी गरेको छ। तिनवटै आयोजनाबाट विद्युत उत्पादन सुरु भईसकेको छ। मोघा इनर्जीको अध्यक्ष समर्थ मोघा हुन् । उनी एमभी दुगड ग्रुपका जलविद्युत आयोजनाहरुमा नेतृत्वदायी भूमिकामा पनि थिए ।
त्यस्तै धितोपत्र बोर्डले म्याभरिक कौटिल्य भेन्चरलाई पनि पीईभीसीको लाईसेन्स दिएको छ ।
