आधारभूत शेयरधनीले निश्चित प्रतिशत शेयर बेच्नु अघि नै सूचना दिनु पर्ने व्यवस्थालाई धितोपत्र बोर्डले संशोधन गरेको छ। आज शुक्रबार बोर्डले संशोधित निर्देशन जारी गरेको हो ।
यस अघि कुनै पनि आधारभूत शेयरधनीले आफूले धारण गरेको ५ प्रतिशत वा सो भन्दा बढी शेयर बिक्री गर्ने भए १५ दिन अगाडि नै सूचना दिनु पर्ने व्यवस्था थियो ।
अब भने यस्तो नियम कम्पनीले आईपीओ निष्काशन गर्दा कायम रहेका आधारभूत शेयरधनीहरूको लागि मात्र लागू हुनेछ । त्यस्तै अब १५ प्रतिशत वा त्यो भन्दा बढी शेयर बेच्ने भएमात्र सूचना दिनु पर्नेछ । अनि सूचना दिनु पर्ने अवधि १५ दिनअघि बाट घटाएर ५ कारोबार दिन कायम गरिएको छ ।
साथै सूचना दिएको अवधिमा पुरै शेयर नबेची फेरि कम्पनीको शेयर खरिद गरेको भए शेयर खरिद गरिसकेपछि आफुले किनेको शेयर संख्या र मूल्यबारे जानकारी दिनु पर्ने छ।
