दार्चुला पावर लिमिटेडको १० औं वार्षिक साधारणसभा सम्पन्न भएको छ। आज शुक्रबार कम्पनीका अध्यक्ष सतिश न्यौपानेको अध्यक्षतमा साधारणसभा सम्पन्न भएको हो ।
सभाले आर्थिक वर्ष २०८२/८३ को वार्षिक प्रतिवेदन, र आर्थिक बर्ष २०८२/८३ को वासलात, नाफा नोक्सान हिसाब र नगद प्रवाह लगायतका वित्तिय विवरणहरु पारित गरेको छ । सभाले आ.व २०८३/८४ का लागि लेखापरिक्षकको नियुक्ति गर्दै निजको पारिश्रमिक निर्धारण गरेको छ।
विशेष प्रस्ताव अन्तर्गत कम्पनीको साधारण शेयरको प्रारम्भिक सार्वजनिक निष्काशन गर्ने, आईपीओ जारी गर्नका लागि पूँजी संरचनामा संशोधन सहित कम्पनीको प्रबन्धपत्र तथा नियमावलीमा आवश्यक संशोधन गर्ने , कम्पनीले निर्माण तथा विकास गरिरहेको आयोजनाहरुको लागि कर्जा अनुमोदन गर्ने, आयोजनाहरु विकास निर्माण तथा संचालनको लागि थप कर्जा आवश्यक भएमा सञ्चालक समितिलाई अख्तियारी प्रदान गर्ने प्रस्ताव सभाले पारित गरेको छ ।
सभामा कम्पनीका अध्यक्ष सतिश न्यौपानेले कम्पनीले हाल दार्चुला जिल्लामा २८.३०४ मेगावाट क्षमताको मध्य चमेलिया जलविद्युत आयोजना निर्माण गरिरहेको जानकारी दिँदै हालसम्म आयोजनाको ६३ प्रतिशत निर्माण सम्पन्न भएको बताए। आगामी १ वर्ष भित्र निर्माण सम्पन्न गरि विद्युत बाल्ने लक्ष्य रहेको उनले जानकारी दिए ।
